اهلا وسهلا بكم


    لـ النذآله فقط .. دروس لتطفيش اخوانكم التماسيح

    شاطر
    avatar
    أعقل مجنونه

    المساهمات : 130
    تاريخ التسجيل : 02/05/2010
    العمر : 22

    لـ النذآله فقط .. دروس لتطفيش اخوانكم التماسيح

    مُساهمة  أعقل مجنونه في الأحد مايو 02, 2010 10:00 am

    دروس لتطفيش اخوانكم التماسيح هههههه


    السلام عليكم ورحمة الله وبركاته

    هاااي شلونكم وش اخباركم اكيد تمام

    ما اطول عليكم
    جبت لكم اليوم من نذآلتي دروس خطيره هههههههههههه
    شوفو الي مقهوره وطالعه روحها من الاولاد والمواضيع لقهر البنات
    والي تبغي تنتقم وترفع ضغط اخوها تتبع هذي الخطوات



    ****** عند التلفزيون ******


    لا صارت فيه مباراه , والاخ متحمس اقطعي هالحماس وشلون؟!

    انا اقولك ..

    شوفي اذا صارمطلع عيونه وماهو يم احد يعني لو تجيبين صاروخ تفجرينه قدامه

    مالتفت لك اعرفي انه منسجم ,


    هنا بس تقومين بشغلك.. وتسوين نفسك بنت سنعه

    وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه

    ولا تعطينه فرصه يشوف زين ,

    لا قال: ابعدي. قولي مانيب فاضيتلك بنظف وامسح ،
    وبعدين روحي جيبي المكنسه

    واكنسي المكان اللي هو فيه وحاولي من لحظه للحظه تكنسين قدام التلفزيون وغطي

    عليه.. ولا يهمك احد..

    واذا قال: ابعدي لااصقعك على وجهك بالكاس قولي معصي بيجون ضيوف . .
    العبي

    عليه حتى لو مو جايكم احد , والا سوي نفسك جالسه وتذكرتي ان الكيك بالفرن

    احترق ناقزي لين توصلين للفيش وامصعيه برجولك ولا تلتفتين وراكِ..


    ****** عند النوم ******


    لا صار التمساح يشخر.. نكدي عليه نومه وشلون؟! دخلي عليه بزارينكم على

    بزارين جيرانكم وصكي الباب عليهم وخليهم يلعبون بغرفته ويناقزون على راسه ..

    تخبرين اطفالنا احباب الله وماراح يسويلهم شي

    والا تعالي وهو في سابع نومه وارجفيه ذيك الرجفه اللي يفز مايدري عن نفسه الا

    وهو جالس وبكل برود قوليله نبي نطلع ..

    <<<<<<<<<< شوفي هو بصكك بكم طرااق بس معليش

    ****** اذا المزاج صفر ******


    اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين

    منه يعني تحرشي فيه خلي دمك ثقيييييييييل بالمزح

    بس انتبهي في هاللحظه راقبي حركات يده لان ممكن يصك أي شيء قدامه بوجهك

    ولازم تصيرين مجهزه مفتاح الغرفه.. ماتدرين السالفه يا غالب يا مغلوب

    المهم.. اضحكي على شكله والا على جلسته والا على لبسه .. هو بيقول ترى مانيب

    رايق اذلفي عني , انتي لا تسكتين قوليله واذا ماذلفت وجهي وش بيصير

    عاد هو بيقوم ويوريك وش بيصير على سنع انتي في هالوقت اقضبي اول درجتين

    توصلك لغرفتك وطلي عليه من فوق وقوليله ههههههههههههاااااي اهم شيء

    رفعت ضغطك وقومتك من جلستك

    ****** وقت الطقاق ******

    لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:

    1/ اللبس: لازم تلبسين بجامه ولااوصيك فيه علشان يسهل الركض


    2/ االكشه لازم تلمينها وتسوين حفله براسك ذاك اليوم تحطين انواع الشباصات كلها

    والمغاطات وانتبهي ولا خصله تنزل منك,

    وياليت يكون ذاك اليوم حاطه براسك حناء علشان مايتجرأ ويلمس شعرك <====

    ابن أمه يجيب مثل هالتفكير


    3/ مفتاح الغرفه ولميه الاحتياط واجب

    اذا بدت المعركه حطي راسك براسه ولا تبينين له انك خايفه وبققي عوينك فيه

    وقوليله وش براسك عاد هو هنا بيقولك هذا اللي براسي طراااااااااااخ الا ومخمس

    مصفي طبلونه


    لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
    .
    وعلى طووووووووول لغرفتك اللي مجهزة مفتاحها من قبل واقفلي عليك ..

    ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم

    لكرامته وبيوريك النجوم في القايله ..
    وبس خلصنا ولله الحمد



    ملاحظه مهمه جداً :
    إذا صار شئ لاسمح الله ترى مالي شغل مو تقولون ورطتنا مجنونه اقولكم من الحين


    ههههههههههههههههههههههههههههههههههههههههههههه
    ههههههههههههههههههههههههههههههههه


    Very Happy Very Happy Very Happy Very Happy
    تحيااتي
    اعقل مجـنونه
    avatar
    NfoOolh

    المساهمات : 270
    تاريخ التسجيل : 23/04/2010
    العمر : 21

    رد: لـ النذآله فقط .. دروس لتطفيش اخوانكم التماسيح

    مُساهمة  NfoOolh في الأحد مايو 02, 2010 10:35 am

    ههههههههههههههههه يا أنك نذله من قللللب No
    الله يقطع شرك .. هههههههههههه
    avatar
    أعقل مجنونه

    المساهمات : 130
    تاريخ التسجيل : 02/05/2010
    العمر : 22

    رد: لـ النذآله فقط .. دروس لتطفيش اخوانكم التماسيح

    مُساهمة  أعقل مجنونه في الأحد مايو 02, 2010 10:04 pm

    هههههههه هذي اصولها

    والله اهم شيء بالحياة النذاااله هههه Razz

    نورتي الحته ههههه

      الوقت/التاريخ الآن هو الأحد يونيو 17, 2018 6:13 pm